Mai kuch behtar dhoond raha hoon,

Ghar mein hoon… par ghar dhoond raha hoon.


Deewarein toh hain, par apnapan kahin kho gaya hai,

Har kone mein guzra waqt basa hai, par sukoon kahin so gaya hai.

Rishto ke beech jo ehsaas tha, woh kab ka chhup gaya,

Main apne hi ghar mein ek anjaana mehmaan ban gaya.


Chhat toh hai, par saaya nahi milta,

Log hain, par apna koi nahi dikhta.

Muskaanon ke peeche thakaan chhupi hai,

Aur baaton mein bas majboori lipti hai.


Me sirf ek makan mein nahi, ek ehsaas me rehna chahta hoon,

Jahan lafzon se zyada khamoshi samjhi jaaye,

Jahan sirf saath hone se hi sukoon aa jaaye.


Mai ghar mein hoon, par ghar dhoond raha hoon,

Ek aisi jagah, jahan sirf deewarein nahi,

Mere dil ka ek tukda basa ho…

Jahan main sach me jee saku, sirf zinda na rahu.

Comments

Post a Comment

Popular posts from this blog

Agar main aise hi jeeta raha toh, Mujhe marne ki zaroorat nahi padegi…

  Har din ek naya zakhm de jaata hai, Jeeta toh hoon, par zinda hone ka ehsaas kho jaata hai. Jo chehra duniya ko dikhata hoon hansne wala, Woh raat ke andhere mein aansuon se bhi bheeg jaata hai. Dil dhadak raha hai, par armaan saans nahi lete, Zinda hoon, par sapne aankhon se bahar nahi aate. Main lad raha hoon khud se, khud ko sambhalne ke liye, Par andar ka main… kab ka toot chuka hai jeene ke liye. Agar aise hi jeeta raha toh, Maut se pehle hi mar jaunga, Jism chalega duniya ke saath, Par rooh kahin andar hi kahin kho jaunga. Koi samjhe toh batana, Ki jeene ka matlab sirf saans lena nahi hota, Aur kabhi kabhi, insaan dikhai dene wali maut se nahi, Balki dikhai nahi dene wali khamoshiyon se mar jaata hai. Agar main aise hi jeeta raha toh… Mujhe marne ki zaroorat nahi padegi…
Read more

Meri zindagi ke kuch khass log part 1

  Meri zindagi ke kuch khass log aise hain.   Jinne waqt waqt par mujhe bahut sambhala hain Jinhe me cha kar bhi nhi bhul skhta mene unse sikha bahut kuch, jaha me zara sa gira ya dag-mag gaya bhi na to, unne har waqt Sahara diya hain agar aap mujhe ache se jante ho ya kabhi fursat me apne mujhe se baat bhi ki hain to aap mere ander un logo ki ek halki si jhalak to dekh hi loge Me subse phle shuruwat karunga unse.. Jinhone  mujhe hamesha hi heran kiya hain ki koi bina mujhese mile kese janta hain mujhe, mujhe se hi jayda.... hain me unhi ki baat kar raha hu Jinka likha hua gaana hum sub Bachpan se gaate gun gunate aaye hain.. Film Mowgli se, Jungle Jungle baat chali hain pata chala hai .  Sayad aap me se kuch log to samaj hi gye honge me kiski baat kar raha hu..  Unka likha agar aap dhyan se padenge to zindagi ke har raste ka anubhav unne apne lekh me bataya hain  Zindagi ke upper unki likhi gai 2 line   Wo kuch is Prakar hain ki Ek sukoon ...
Read more