Ab main sirf ek din jee paunga,

 Ab main sirf ek din jee paunga,

Baaki din toh bas nibha paunga.

Zindagi jo kabhi sapna thi,

Aaj ek bojh si lagne lagi hai.

Maa se ab sirf hafte mein ek din mil paunga,

Woh ek din, jisme meri saari thakaan suljh jayegi.

Uske haathon ka khaana nahi, sukoon milega,

Uski godi mein sirf aaram nahi, zindagi milegi.

Roz roz toh bas majbooriyaan nibhaani hain,

Sapne kahin daftaron mein daba diye hain.

Par woh ek din, jab Maa ka pallu chhoo lunga,

Lagta hai jaise poori duniya paa lunga.

Maa ke saath guzra woh ek din,

Mere saare saal pe bhaari hai.

Baqi ke din toh bas khud ko sambhalna hai,

Woh ek din hi meri zindagi ki jeet hai,

Baqi sab toh sirf jeena hai, par jeet nahi.

Ab main sirf ek din jee paunga,

Aur woh din sirf Maa ke saath bitaunga.